Елордада автономды дезинфекция және аялдама павильондарының қауіпсіздігін бақылау жүйесі ресми түрде іске қосылды.

Инновациялық жүйе Нұр-сұлтан қаласы Қосшығұлұлы көшесіндегі жабық аялдамада орнатылды. Ол ауаны дыбыссыз дезинфекциялауды және бөлмені сағатына 200 текше метрге дейін иондауды қамтамасыз етеді. Жүйе ауа айналымы бар бөлмеде 10 минут ішінде ауада ΦX174 КОЛИФАГ вирусының 99,9%-ын әсерсіздендіреді.

Ақылды жүйе қала тұрғындарына қоғамдық көлікті пайдалануға және өздерін қауіпсіз сезінуге мүмкіндік береді. Жүйенің тағы бірқатар артықшылықтары бар:

- Қоршаған орта үшін қауіпсіз: пайдалану кезінде және одан кейін озон шығарындыларының болмауы;

- Төмен қуат тұтыну <150 Вт;

- Қосарлы ауаны сүзу жүйесі;

- Түтін сезбегі;

- Нақты уақыт режимінде хабарлау жүйесі (ақпараттық хабарлама);

- Жабдықты қашықтан басқару бағдарламалық жасақтамасы

Сондай-ақ, мұнда қауіпсіздік күзетінде болатын және автобус аялдамаларындағы алаяқтық пен ұрлық ауқымын азайтуға, сондай-ақ қала тұрғындарының қауіпсіздігі үшін жылы аялдама павильондарын белгілі бір тұрғылықты жері жоқ адамдардан босатуға мүмкіндік беретін қашықтан қолжетімділікте тәулік бойы бейнебақылау онлайн камерасы орнатылған.

Айта кетейік, Astana Innovations елорда тұрғындары мен қонақтары үшін «Ақылды қала» шешіміне негізделген қолайлы және жайлы жағдай жасайды.

«Ақылды аудан» жобасы аясында Astana Innovations енгізуге дайын шешімдері бар компанияларды табады. Осы кезеңде жүйені пилоттық іске қосу алаңы Сарыарқа ауданындағы Қосшығұлұлы көшесіндегі аялдама болды. Табысты нәтижелер болған жағдайда, елорданың қалған жабық аялдамаларында да жүйені орнату ұсынылады», - деп хабарлайды «Astana Innovations» АҚ Басқарма төрағасының орынбасары Асылбек Асан.

Естеріңізге сала кетейік, бұл шешім «Ақылды аудан» жобасы аясында «Astana Innovations» АҚ, «Сарыарқа» ауданы әкімдігімен және «IT SMART SOLUTIONS» ЖШС компаниясымен бірлесіп жүзеге асырылуда.